پکتیا کې د کارونو د چټکتیا او پراختیا په پار د همغږۍ غونډه دائره شوه
۶ وږی ۱۴۰۲ه.ش
۱۱ صَفَرُ المُظَفَّر ۱۴۴۵ه.ق
د پکتیا دکرنې، اوبولګولو او مالدارۍ ریاست په دې ولایت کې د کرنې او مالدارۍ د کارونو پراختیا او چټکتیا په پار ددې ریاست رییس مولوی عبدالرؤف سعید په مشرۍ د پکتیا ولایت د ولسوالیو دکرنې له کارکوونکو سره ناسته دائره شوه.
په ناسته کې د پکتیا ولایت د کرنې، اوبولګولو او مالدارۍ رییس عبدالروف سعید، د طبیعي سرچینو آمر مولوي زاهب الله ارسلا، د اراضي آمرینو او د ولسوالیو د ترویج، مالدارۍ او ادارضی مدیرانو ګډون کړی و.
د غونډې په پیل کې د ولسوالیو کارکوونکود خپلو کړنو راپورونه او لاسته راوړنې د غونډې ګډونوالو ته وړاندې کړل او په خپلو برخو کې ستونزې هم شریکې کړې.
د پکتیا دکرنې رییس مولوی عبدالرؤف سعید د پروژو د ښه ترسراوي او څارنې په اړوند د ښو اجراتو لارښوونې وکړې او د ولسوالی له کارکوونکو يې غوښتنه وکړه، چې د حاضرۍ پابنده اوسي، او خپلې چارې بې له ځنډه په خپل وخت ترسره کړي.
همداراز ښاغلي ارسلا د ولسوالیو کارکوونکي په خپلو برخو کې خپلو کارونو ته متوجه کړل، نوموړي له کارکوونکو وغوښتل، چې خپلې چارې په خپل وخت او په سم ډول سرته ورسوي، د غونډې په پای کې يو لړ مهم تصميمونه هم ونيول شول.
