د کابل سروبي کې د واورې او باران د اوبو مدیریت په موخه ٢٠ پروژې پلي کېږي
۴ وږی ۱۴۰۲ه.ش
۹ صَفَرُ المُظَفَّر ۱۴۴۵ه.ق
د کابل دکرنې، اوبولګولو او مالدارۍ ریاست چارواکي وایي، چې ددې و لایت د سروبي په ولسوالی کې د ناروې کمېټې په همکارۍ د واورې او باران د اوبو مدیریت په برخه کې ٢٠ پروژې پلي کېږي.
دغه پروژې، چې د چینو او د ځمکې لاندې اوبو د پياوړي کولو په موخه پلي کېږي، ٣٢٠٠ کسانو ته په کې د کار زمینه برابره شوې ده.
دغه راز د ناروې کمېټې له خوا د خوړنو اوبو او سېلابونو د ځیانونو مخنیوی په پار د سروبي ولسوالی د ١١ کلیو پر او سیدونکو ګبیون وېشل شوي دي.
د چارواکو په خبره ددغو ګبیونونو د وېش موخه د سېلابونو مخنیوی دی، چې ډېر ژر به د دې ولسوالی په ٩ نورو کلیو هم ووېشل شي.
په ټولیزه توګه په دې ولسوالی کې ۱۴۶۲۰ کیلوگرامه ګبیون وېشل کېږی، چې ور سره د خلکو کروندې او کورونه خوندي شي.
