د کورني اقتصاد پیاوړتیا په پار هڅې”  ننګرهار  کې پر ۵۰۰ مېرمنو د کورنیو بڼګیو توکي وېشل کېږي 

د ننګرهار د کرنې، اوبولګولو او مالدارۍ ریاست په هڅو د اکشن مؤسسې ایډ په تخنیکي همکارۍ او د ملګرو ملتونو دخوړو او کرنې ادارې په مالي لګښت  ۵۰۰ هغه مېرمنو ته چې د کورنۍ د ګټې وټې مسوولیت ور تر غاړې دي د کورنیو بنګیو لپاره تخمونه او کرنیز توکي ورکول کېږي. 
دننګرهار د کرنې، اوبولګولو او مالدارۍ ریاست اړوند دکرنیزو خدمتونو مدیریت وویل، چې د شینوارو  ولسوالی کې ۵۰۰ کونډو او بېوزله مېرمنو ته د سبو اصلاح شویو تخمونه او نور اړونده توکي ورکول کېږي.
د سبو په دغو تخمونو کې د شلغم،  ګلپي، بېنډۍ، توربانجان، رومي بانجان او ملۍ اصلاح شوي تخمونه او کرنیزې توکي لکه کې لور،  رمبي،  بېلچه، تسکوره او پنجي کش شامل دي. 
وړاندې تردې هم اکشن آیډ مؤسسي  سلګونو مېرمنو ته په ننګرهار کې اصلاح شوي تخمونه،  کرنیز وسایل او کورنې چرګان د ورځني اړتیاوو پوره کولو په موخه  ورکړي وه.