ننګرهار کې د کار په بدل کې د نغدو پیسو د ورکړې پروژه پیل شو

۲۶ زمری ۱۴۰۲ه‍.ش
۱ صَفَرُ المُظَفَّر ۱۴۴۵ه‍.ق
د ننګرهار د کرنې، اوبولګولو او مالدارۍ ریاست تر چتر لاندې دملګرو ملتونو د خوړو او کرنې ادارې په مالي لګښت او د اکشن آیډ مؤسسې  په تخنیکي همکارۍ د ننګرهار په ۱۱ ولسوالیو بهسود،  بټي کوټ،  مهمندري،  اچین،  چپرهار،  سپین غر، نازیان،  کوټ، هسکه مېنه رودات او خوګیانو کې دکار په بدل کې د نغدو پیسو د ورکړي پروژه پیل کړه.
د ننګرهار د کرنې، اوبولګولو او مالدارۍ رییس مولوي عبدالستار محمد وویل د اکشن آیډ مؤسسه په ننګرهار کې د ۱ میلیون، ۳۴۶ زره او ۶۰۰ ډالرو په ارزښت،  ۱۳ زره او ۴۶۶ کسانو ته د ۲۰ ورځو لپاره د کار زمینه برابره کړی دی  .
محمد وایې یاده مؤسسه ۷۵  د اوبو ودانۍ،  چې ابریزي،  چیک ډیم،  تراسونه،  محافظوي دېوالونه او ګڼې نورې ودانۍ شامل دي  جوړوي.
همدارنګه  دیادو  ودانیزو  پروژو پلي کولو موخه د اوبو  غوره مدیریت او دخوړوخوندیتوب رامنځته کول دي.