د هلمند مرکز لښکرګاه کې ګڼو بزګرو ته کرنیز توکي او روزنه ورکول شوه
۱۹ زمری ۱۴۰۲ه.ش
۲۳ مُحَرَّمُ الحَرام ۱۴۴۵ه.ق
د هلمند ولایت د کرنې، اوبولګولو او مالدارۍ ریاست لخوا، د ملګرو ملتونو د نشه یي توکو او جرایمو په وړاندې مبارزې دفتر په مالي او له افغان کډوالو سره د مرستې لپاره د ډنمارک کمیټې په مالي همکارۍ ١٥ تنو بزګر ته د کتاري کښت اړوند نوي او عصرى ماشين الات ووېشل شول .
د يادو توکو د وېش تر څنګ د بېلابېلو سیمو ٤٠ تنو بزګرانو ته د کتاري کښت لارې چارې په عملي او نظري توګه ور وښودل شوې.
د یادولو وړ ده، چې د کتار په بڼه د کرنې په ترڅ کې د لږې ځمکې څخه زیات حاصلات په لاس راځي او ترڅنګ یې د روزنې او پالنې په برخه کې هم بزګرو ته اسانتیاوې رامنځته کېږي.
