هلمند کې سکټوري غونډه دائره شوه
۱۸ زمری ۱۴۰۲ه.ش
۲۲ مُحَرَّمُ الحَرام ۱۴۴۵ه.ق
د هلمند ولایت کرنې، اوبولګولو او مالدارۍ ریاست په مقام کي میاشتنۍ سکټوري غونډه ترسره شوه.
په یاده غونډه کي د کرنې د ریاست د مالدارۍ او حیواني روغتیا آمر، د پلان او برنامو عمومي مدیر، دیو شمېر دولتي او غیر دولتي ادارو مسؤلینو ګډون کړی وو.
په یاده ناسته کي د کرنې د سکتور اړوندو مؤسساتو مسئولینو د تېرې میاشتې په لړکې د خپلو ترسره شویو فعالیتونو او لاسته راوړونو په اړه د غونډې ګډونوالو ته معلومات وړاندې کړل.
په غونډه کي د کرنې ریاست د پلان او برنامو د همږغۍ مدیر انجنیر امان الله تسکین د مؤسساتو مسئولینو ته د اړتیا وړ راپورونو د پر وخت ورکولو او د چارو د همغږي کېدلو سپارښتنې وکړې.
په غونډه کي د هرې ادارې مسؤل په خپل وار سره خپل فعالیتونه، لاسته راوړنې، غوښتنې او ستونزې شریکي کړې، چي د غونډې له ګډونوالو لخوا ورباندي بحث وشو.
