پکتیا کې دمڼو ۲۵۰ جریبه بڼونه جوړېږي
د پکتیا کرنې، اوبولګولو او مالدارۍ رياست اړوند د ځمکې او ځنګلونو د تلپاتې مدیریت پروژې له لورې د دې ولایت په سیدکرم او احمد ابا ولسواليو کې ۲۵۰۰۰ زره د مڼو نیالګی پر ۵۰۰ تنو بزګرانو د مڼو بڼونو جوړولو په پار وویشل شول.
د یادو نیالګیو د وېش په مراسمو کې د پکتیا کرنې، اوبولګولو او مالدارۍ ریاست د طبیعی سرچینو آمر ښاغلی زاهب الله ارسلا، د ځمکې او ځنګلونو د تلپاتې مدیریت پروژې مسئول ښاغلي محمد ابراهیم قادري، قومي مشرانو او بزګرانو ګډون کړی وو.
د ځمکې او ځنګلونو د تلپاتې مدیریت پروژې مسئول ښاغلي محمد ابراهیم قادری په خپلو خبرو کې وویل، چې د دی بڼونو د جوړولو څخه یې موخه له کمې ځمکې د لوړ او باکیفیته حاصل اخیستنه ده، قادري زیاتوي چې دا بڼونه د نوې ټکنالوژۍ یو ډول دی، چې د نورو بڼونو په پرتله يې د تولید کچه څو برابره لوړه ده.
ښاغلی قادر زیاته کړه، چې د نیم جریب بڼ د جوړولو لپاره هر بزګر ته ۵۰ نیالګي، ورکول کېږي.
دپکتیا د کرنې ریاست د طبیعی سرچینو آمر د يادې پروژې مئسولينو ته لازمې لارښوونې وکړې او له دوی څخه يې پکتیا ولایت ته د ځانکړې پاملرنې غوښتنه وکړه.
غونډه بزګرانو ته د عملي زده کړو د ورکولو په موخه د یو بڼ د کېنولو او د نورو بڼونو په وېشلو سره پای ته ورسېده.
