‎ننګرهار کې د بېزاکملاتي کانال د رغولو چارې پیل شوې

د ننګرهار دکرنې، اوبولګولو او مالدارۍ ریاست د (Islamic Relief) مؤسسې په تخنیکي او د (UNDP) دفتر په مالي لګښت په دې ولایت کې د بېزاکملاتي کانال د رغولو چارې رسماً پیل کړي دي.
‎په دې اړه جوړه شوې غونډه کې، د ننګرهار دکرنې رییس مولوی عبدالستار محمد د (Islamic Relief) مؤسسې او (UNDP)  ادارې چارواکو، سیمه ییزو چارواکو او یوشېر خلک حضور درلود. 
‎دننګرهار دکرنې، اوبولګولو او مالدارۍ رییس مولوی عبدالستار محمد په خپلو خبرو کې د پروژې مسؤلینو ته سپارښتنې وکړې او زیاته یې کړه، چې د پروژې په تطبیق کې کیفیت ته پاملرنه وکړي او په  شفافه توګه په خپل وخت پروژه تطبیق او ګټې اخستني ته وسپاري، او همداراز ځایي اوسیدونکو څخه یې غوښتنه وکړه، چې د سیمو مسؤلینو سره د پروژې په پلي کولو کې پوره همکاري وکړي.
‎د چارواکو په خبره ددې پروژې ټولیز لګښت پنځه میلیونه افغانۍ ده، چې په ترڅ کې یې د درې کیلو متره اوږدوالې په اندازه ی د اوبو کانال، چې ۷۰۰ متره به یې پاک کاري او پاتې برخه به یې په پاخه او اساسي اساسي ډول رغول کېږي.
‎د دې پروژې په تطبیق سره به په یاد کلي کې نږدې ۳۲زره جریبه کرنیزه ځمکه خړوبه او ۳۹۰ کسانو ته به د کار زمینه برابره شي.