کونړ ته د کرنې وزارت د څارویو څېړنې د رییس سفر
۴ تله ۱۴۰۳ه.ش
۲۲ رَبِیعُ الْأَوَّل ۱۴۴۶ه.ق
د کرنې، اوبولګولو او مالدارۍ وزارت د مالدارۍ لوی ریاست د څارویو د څېړنې رییس انجنیر عبدالولي په مشرۍ تخنیکي ټیم کونړ ولایت ته دخپل سفر په ترڅ کې ددې ولایت دکرنې رییس مولوی سلیمان ایمن او د یاد ریاست له آمرینو سره په لیدنه کې د څارویو د سیمه ییزو نسلونو د اصلاح په موخه خبرې اترې وکړې.
په دې لیدنه کې د څارویو د څېړنې رییس د کونړ دکرنې رییس او اړوندو چارواکو سره د څارویو د محلي نسلونو د اصلاح په هکله خبرې وکړې او زیاته یې کړه، چې دکرنې وزارت غواړي، چې د مالدارۍ سکټور د پیاوړتیا په پآر د څارویو سیمه ییز نسلونه اصلاح او ورته د ودې او پراختیا زمینه برابره کړي.
په همدې حال کې د کونړ دکرنې رییس مولوی سلیمان ایمن د څارویو د څېړنې رییس ته د هراړخیزو همکاریو ډاډ ورکولو ترڅنګ په دې برخه کې شته ستونې او ننګونې ورسره شریکه کړه.
دغه راز ددې سفر په ترڅ کې یادو چارواکو په دې ولایت کې د کونړي غواګانو او سیمه ییزو وزو څېړنیز فارم جوړولو په پار د ځمکې لومړنی ارزونه او تثبیت هم ترسره کړه.
دغه راز یاد پلاوي د کونړ ولایت د بېلابېلو ولسوالیو له دولتی ځمکو څخه لیدنه وکړه اویادو ولسوالیو کې یې د مالدارانو ستونزې یې واورېدې. دڅارویو څېړنې رییس دیاد ولایت دکرنې رییس او خلګو ته ډاد ورکړ چې په خپلو هلو ځلو سره به په دې ولایت کې د څارویو څېړنیز فارم ایجادوي، ترڅو د کونړ ولایت د څارویو سیمه ییز نسلونه اصلاح کړي.
