کندهار کې پر یوشمېر بزګرانو لیزرلېول ماشینونه ووېشل شول

content_admin
شنبه ۱۳۹۸/۸/۱۱ - ۱۴:۲۴
 کندهار کې پر یوشمېر بزګرانو لیزرلېول ماشینونه ووېشل شول

۱۱ لړم ۱۳۹۸
د کرنې، اوبولګولو اومالدارۍ وزارت په هېواد کې د کرنې د میکانیزه کولو اوعصري کرنیز سیسټم او تکنالوژۍ ترویجولو په پار هلې ځلې کوي. د دغو هلو ځلو یوه برخه د اوبو د ضایعاتو د مخنیوی په موخه د ځمکې د هوارولو لایزري ماشینونو « Laser Level land » دودول دي.
په همدې موخه د کرنې، اوبولګولو او مالدارۍ وزارت د کندهار ولایت پر یوشمېر مخکښو بزګرانو د ځمکې هوارولو یا لایزرلېول لس ماشینونه ووېشل.
ددغو ماشینونو له وېش څخه موخه د کرنیزو ځمکو هوارول، د حاصلاتو کچه لوړول او د اوبو د مصرف کچه ټېټول دي. د کندهار د کرنې رییس سید حفیظ الله سیدي وایي، چې د دې کار موخه دکرنې میکانیزه کول او د عصري کرنیز سیسټم ترویجول دي. له دغو ماشینونو څخه ګټه پورته کول ددې ترڅنګ چې په کرونده کې لږي اوبه مصرفیږي او د اوبولګولو چارې اسانوي، د کتار په ډول کرکېله، خیشاوه او د سرې او تخم شیندلو چارې هم اسانوي او د حاصلاتو د لوړېدا سبب کیږي.
ښاغلي سیدې وايي، چې د لایزر لېول ددغو وېشل شویو ماشینونو ټولیز لګښت پنځه میلیونه افغانۍ ده، چې د نړیوال بانک په مالي مرسته د کرنې وزارت په کرونده کې د اوبو د تنظیم پروژې له لارې چمتو شوي دي.
د چارواکو په خبره د کرنیزو ځمکو په هوارولو سره کولای شو چې تر ۴۰ سلنه ډېر حاصل ترلاسه او دغه راز د اوبو له ضایعاتو څخه هم ۲۰ تر ۳۰ سلنه مخنیوی وکړو.
له دغو ماشینونو څخه برخمن شوي بزګران د کرنې وزارت څخه په منني سره وویل، له دغو دستګاوو څخه په استفادې سره به د دوی کرنیز حاصلات ډېر او عواید به یې زیات شي.
باید وویل شي، چې ددغو ماشینونو برخمن شویو بزګرانو ته د کرنې، ابولګولو او مالدارۍ وزارت له خوا د یادو ماشینونو د کارونې په هکله روزنې هم ورکړل شوي دي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت