کندهار کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي غونډه
۲۴ وری ۱۴۰۲ه.ش
۲۲ رَمَضانُ المُبارَک ۱۴۴۴ ه.ق
کندهار کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
دغه غونډه ،چې ممشري یې د کندهار دکرنې رییس مولوی محمود مظلوم پرغاړه، په کې د کندهار د امنیه قومندانۍ مرستیال مولوی محب الله ګرمسیلی، د کندهار ښاروال حاجي نعمت الله حسن، د څارنوالی رییس مولوی غوث الدین ثاقب، د ښارجوړونې رییس مولوی عبدالمتین عاشق، رییس ملا حکمت الله اخند، د کدستر آمر احسان الله الهام، د قضایای امارت آمر مولوی تاج محمد خلیلي او د کار او ټولنیزو چارو ریاست استازی حضور درلود.
د غونډې په پیل کې د تيرې غونډې په ځينو مهمو موضوعاتو باندې مفصلې خبرې وشوې. وروسته، د کندهار ښار په ۱۴ مه ناحیه کي د میانکو شیلي او مانده د غصب اوړند بحث او تصمیم ونیول شو. دغه راز د نهمې او ۱۲ ناحیو کې د سند ملکیتونو د وېش اړوند مکتوب چې د کمیسون څخه رارسیدلی دی د اجراء په اړه خبرې اترې وشوې، ترڅنګ یي، په غورک ولسوالی د انجیران په کلي کي د دولتی ملکیت چي ۱۷۹۶۵ جریبه ځمکه وه، چې د کدستر د امر لخوا تثبیت او تشخص شوې وه هم بحث ترسره شو. همداراز د ښاروالۍ د ۲۵۰ نمرو غوښتني اړوند موضوع باندې هم مفصلې خبرې وشوې.
په دې غونډه کې دغه راز د راتلونکې کار د پلان پر جوړولو او د چارو د لا ښه پرمختګ په پار نظرونه وړاندې شول.
باید وویل شي، چې د ځمکو د غصب د مخنيوي کميټې تر دې دمه په کندهار ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
