کندهار کې د لومړي ځل لپاره د کلفورنیا ۱۴ ډوله بې‌دانو انارو قلمو څخه قوریه جوړه شوه

mail-admin
چهارشنبه ۱۴۰۳/۱۲/۱ - ۱۴:۲۷
کندهار کې د لومړي ځل لپاره د کلفورنیا ۱۴ ډوله بې‌دانو انارو قلمو څخه قوریه جوړه شوه

۱  کب ۱۴۰۳ه‍.ش
۲۰ شَعبان المُعَظّم ۱۴۴۶ه‍.ق
د کرنې، اوبو لګولو او مالدارۍ وزارت د طرزالعمل له مخې، د کندهار کرنې، اوبو لګولو او مالدارۍ ریاست په رهبرۍ، د کوهکران څېړنیز فارم کې د لومړي ځل لپاره د کلفورنیا هېواد بې‌دانو انارو د ۱۴ ډولونو (ورایټیو) له ۱۴۰۰ قلمونو څخه د قوریې جوړولو چارې بشپړې  شوې، چې د هرې ورایټۍ څخه ۱۰۰ قلمونه اېښودل شوي، ترڅو د بې‌دانو انارو مختلف ډولونه وازمویل شي.
د دې قوریې موخه په کندهار کې د اغېزمنو بې‌دانو انارو د ورایټیو موندل او پراختیا ورکول دي. یاده قوریه، چې شاوخوا ۱۰۰ متره مربع ځمکه لري، د کرنې، اوبو لګولو او مالدارۍ وزارت د طرزالعمل پر بنسټ جوړه شوې، چې د یو کال په اوږدو کې به دا قلمې نه یوازې کندهار، بلکې نورو ولایتونو ته هم د بې‌دانو انارو د نویو ډولونو د تولید او پراختیا لپاره واستول شي.
د قوریو جوړولو اساسي موخه د نوي ورایټیو انارو روزنې ته وده ورکول، د مېوه لرونکو ونو تولید زیاتول، او د هېواد په کچه د نویو مېوو ترویج دی، ترڅو د بېلابېلو مېوو کرنه زیاته شي او نوي ورایټي ترویج شي.
د یادونې وړ ده، چې دا لومړي ځل دي په کندهار کې د کلفورنیا هېواد ۱۴ ډوله بي دانو انارو قوریه کرل کېږي. چې دا انار به د وخت په تېرېدو سره د هر اړخه وڅېړل شياو وروسته به د کندهار ترڅنګ نورو بڼوالو ته هم وښودل شي تر څو پراختیا یې زیاته شي.

تازه ترین اخبار

یکشنبه ۱۴۰۴/۱/۱۷ - ۱۶:۰
Background image

د کندهار کرنې ریاست کې د چارو د ښه ترسراوي او پرمختګ په موخه د همغږۍ غونډه دائره شوه


۱۷ وری ۱۴۰۴ ه‍.ش
۸ شَوّالُ المُکَرَّم ۱۴۴۶ه‍.ق
د کندهار د کرنې، اوبو لګولو او مالدارۍ ریاست په مقام کې د یاد ریاست رییس الحاج مولوي فضل الباري فضلي په مشرۍ د همغږۍ غونډه جوړه دائره شوه. . .

یکشنبه ۱۴۰۴/۱/۱۷ - ۱۳:۳۸
Background image

د ننګرهارکانال شرکت په څلور ګونو فارمونو کې د شاتو مچیو د روزنې کاروبار غوړېدلی

۱۷ وری ۱۴۰۴ ه‍.ش
۸ شَوّالُ المُکَرَّم ۱۴۴۶ه‍.ق
د ننګرهار کانال شرکت، د شاتو مچیو روزنې صنعت د پراختیا او د مالدارۍ سکتور د پیاوړتیا په پار د شاتو مچیو روزونکو سره په ګډه هڅې پیل کړي دي،. . .

یکشنبه ۱۴۰۴/۱/۱۷ - ۱۰:۵۸
Background image

لغمان کې د تخنیکي او مسلکي زده کړو زده کړیالانو ته دعملي زده کړې زمینه برابرېږي

۱۷ وری ۱۴۰۴ ه‍.ش
۸ شَوّالُ المُکَرَّم ۱۴۴۶ه‍.ق
د لغمان د کرنې ریاست او د تخنیکي او مسلکي زده کړو امریت ترمنځ زده کړیالانو ته دپرکتیک دورې په برخه کې دهمکارۍ تړون لاسلیک شو.
دهمکارۍ دغه. . .

بازگشت