۱۸ چنګاښ ۱۳۹۹

د کندهار ولایت په ارغنداب او ډنډ ولسوالیو کې د شېدې ټولولو دوه مرکزونه ګټې اخیستنې ته وسپارل شول.

د کرنې، اوبولګولو او مالدارۍ وزارت د اوبولګولو او طبیعي سرچینو مرستیال حشمت‌الله غفوري کندهار ولایت ته د کرنیزو محصولاتو دمدیریت د پروژو د پرانستې په موخه چې په کې د ممیزخونو او سړوخونو جوړول او د مېوو او سبو د لمریزو د ستګاو وېش شامل دي یاد ولایت ته تللی دی، هغه ددې سفر په ترڅ کې په دې ولایت کې د شېدې ټولولو دوه مرکزونه هم ګټې اخیستنې ته وسپارل.

ددغو مرکزونو د جوړولو ټولیز لګښت ۱۴.۳ میلیونه افغانۍ ده.

دغه مرکزونه د کرنې وزارت د بڼوالۍ او مالدارۍ ملي پروژې په ۷۵ سلنه ونډې سره جوړې شوي دي.

ددغو مرکزونو په جوړولو کې، د مرکزونو ودانۍ جوړول او د شېدې ټولولو د یادومرکزونو د اړتیاوړ ټکنولوژۍ شامل دي.

د دغو مرکزونو د یوې هغې وړتیا په ورځ کې ۱۲ زره لیټره شېدې دي.

دغه مرکزونه له مالدارانو شېدې راټولوي او بیا د میلکو کمپنۍ له خوا پروسس کیږي.

د میلکو کمپنۍ د شېدې ټولولو د یادو مرکزونو ترڅنګ پنځه نور مرکزونه هم لري او د ورځې ۲۵ زره لیټره شېدې پروسسوي.

میلکو بېلابېل لبني مواد تولیدوي، چې په کور دننه د پلور ترڅنګ نورو هېوادونو ته هم صادریږي.