کندهار کې د انارو ۷۹ ډوله ورایټیو څېړنې بشپړې شوې
۸ لړم ۱۴۰۳ه.ش
۲۶ رَبِیعُ الْثاني ۱۴۴۶ه.ق
د کندهار د کرنې، اوبو لګولو او مالدارۍ ریاست څیړنیز فارم کې د انارو پر ۷۹ ډوله مختلفو ورایټیو څېړنې پای ته ورسېدې.
دغه څېړنې د ۱۴۰۳ هـ.ش کال د تلې میاشتې په لومړیو کې پیل شوې وې او د لړم میاشتې شپږمې نېټې پورې یې د وزن، ونې جګوالي، د مېوې غټوالي، د انارو د خوند، رنګ، دانو او نورو لابراتواري تجربو مختلفې برخې ارزول شوې دي.
د دې څېړنو موخه دا وه، چې هغه ورایټۍ وپیژني چې د کندهار هوا ته مناسبې دي او لوړ حاصل ورکوي. دغه کیفیت لرونکې ورایټۍ به بزګرانو ته ښودل کېږي ترڅو په خپلو بڼونو کې یې وکري او وده ورکړي.
