کندهار کې حیواني او کرنیزو درمل پلورنځیو او قصابیو څخه څارنه وشوه
![کندهار کې حیواني او کرنیزو درمل پلورنځیو او قصابیو څخه څارنه وشوه](https://www.mail.gov.af/sites/default/files/2024-03/img-20240328-wa0207.jpg)
د کندهار د کرنې، اوبولګولو او مالدارۍ ریاست په دې ولایت کې په غیر مسلکي ډول د حیواني او کرنیزو درملو د پېر او پلور مخنیوی کمپاین په دوام ددې ولایت له ګڼو درمل پلورنځیو او قصابیو څخه څارنه ترسره کړه.
ددې څارنې پر مهال هټوالو ته د کرنې، اوبولګولو او مالدارۍ وزارت مقام لخوا په هېواد کې د کرنیزې او حیواني درملو د پیر او پلور لپاره ځانګړې کړنلاره تشریح شو.
دیادولو وړ ده، چې ددې پروسې موخه پر بزګرو او مالدارو بې کیفیته، تر وخت تېر او بیله رسمي جواز لیک څخه حیواني او کرنیز درمل ونه پلورل شي، همدارنګه یاد درمل باید د خوراکي توکو او ګڼې ګوڼې له سیمو لیرې ووسي ترڅو عامو خلکو ته یې زیان ونه رسېږي.