کندهار څخه د پیازو صادرات سږ کال څهباندې ۳۳ زره ټنو ته ورسېدل
د کندهار د کرنې، اوبو لګولو او مالدارۍ ریاست د کرنیزو چارو آمریت د معلوماتو له مخې، د روان ۱۴۰۳ هـ.ش کال په جریان کې له کندهار څخه دري دېرش زره او ۵۹۹ ټنه پیاز بهرنیو هیوادونو ته صادر شوي دي. دغه صادرات متحده عربي اماراتو، هند، قطر او پاکستان ته ترسره شوي دي.
د کندهار کرنیز صادرات، په ځانګړې توګه د پیازو سږني حاصلات د کندهار سیمهییزو کروندګرو لپاره د عاید زیاتوالي او د اقتصاد د پیاوړتیا لپاره مهم ګامونه ګڼل کیږي. همدارنګه کرنیزو محصولاتو ته په نړیوالو بازارونو کې نوی ارزښت او مقام ورکوي.
یادونه باید وشي چې سږ کال د پیازو په صادراتو کې د تېر کال (۱۴۰۲ هـ.ش) په پرتله زیاتوالی راغلی، ځکه تېر کال له کندهار څخه دري دېرش زره او ۱۴۹ ټنه پیاز صادر شوي وو.
