کندز کې لسګونو بزګرانو سره د اړینو توکو مرسته وشوه
۱۶ تله ۱۴۰۲ه.ش
۲۳ ربیعالاول ۱۴۴۵ه.ق
دکندز دکرنې، اوبولګولو او مالدارۍ ریاست د راه نوین ټولنیز او پرمختیایي مؤسسې په همکارۍ ددې ولایت په مرکز او امام صاحب ولسوالی کې ۸۲ بزګرانو سره د اړینو توکو مرسته وېشلي دي.
د چارواکو په خبره ددې مرستې په لړ پر یادو۸۲ بزګرانو ۱۲۰۰۰ کیلو ګرامه د زعفرانو پیاز، ۱۶۴۰ کیلوګرامه توره سره، ۸۲۰ کیلو ګرامه یوریا سره، ۱۶۴ دانې ښاخۍ، ۸۲ دانې د اوبو شيندلو توکي او ۴۱۰ متره د سان تکه وېشل شوي دي.
د کندز دکرنې ریاست چارواکي وایي، چې ددې مرستې په ترڅ کې هرې کورنۍ ته ۱۴۶،۳ کیلو ګرامه د زعفرانو پیاز، ۲۰ کیلو ګرامه توره سره، ۱۰ کیلو ګرامه یوریا کیمیاوي سره، ۲ دانې ښاخۍ، ۱ دانه د اوبو شيندلو وسيله او د زعفرانو د وچولو لپاره ۵ متره تکه وېشل شوي دي.
پر یادو بزګرانو د زعفرانو د پیازو او کڅوړو د وېش موخه په دې ولایت کې د زعفرانو کښت ته وده ورکول دي، کوم چې د کوکنارو د کښت یو ښه بدیل دي او ترڅنګ یې د بزګرو کورنیو او بې وزلو مېرمنو عاید لوړول دي.
