کامې او ګوشتې ولسوالیو ته د ننګرهار دکرنې رییس سفر
د ننګرهار د کرنې، اوبو لګولو او مالدارۍ رییس مولوي محمد ولي محسن د ولسوالیو دسفرونو په لړ کې د کامې او ګوشتې ولسوالیو د بزګرانو او مالدارانو ستونزو حل او د کرنې او مالدارۍ وضعیت ارزونې او اړتیا معلومولو لپاره یادو ولسوالیو ته سفر وکړ.
د ننګرهار د کرنې رییس مولوي محمد ولي محسن دګوشتې ولسوال قاري محمد عمران محمدي او د کامې ولسوالی مرستیال مولوي شاکر الله حقاني او ترویج مدیرانو سره پدې ولسوالیو کې د کرنې او مالدارۍ مختلفو پروژو دپلي کولو، اصلاح شوي تخمونو، کیمیاوی سرو، څارویو واکسینونو، حیواني خوراکي او نورو اړونده برخو کې دبزګرانو او مالدارانو سره د مرستو ژمنه وکړه.
د کرنې رییس دولسوالیو مسولینو ته دغصب مخنیوی، طبیعي منابعو، ځنګلونو ساتلو،مالدارۍ پیاوړتیا، مستحقو بزګرانو انتخابولو،حاضرۍ پابندۍ او نورو اړونده برخو کې د همکاري غوشتنه وکړه.
ښاغلي محسن د عشر او زکات ترڅنګ د عاملینو او عاشرینو ته داموالو ټولولو او طرزالعمل رڼا واچوله او مدیرانو ته یي د اصولو له مخې دټولولو سپارښتنې وکړي.
د یادو ولسوالیو مسؤلینو د ننګرهار دکرنې رییس څخه داصلاح شوي تخمونو، کیمیاوي سرو، بڼونو جوړولو، بندونو، سربندونو، د ځمکو کدستري سروې ترسره کولو، اوبو مدیریت او نورو اړونده برخو کې غوښتنې وکړې، چې د ننګرهار دکرنې رییس د ولسوالیو مسؤلینو ته د هر راز همکارۍ ډاډ ورکړ.
