پکتیکا کې د چرګانو روزنې ټولنه جوړه شوه
۱۳ لړم ۱۳۹۸
د پکتیکا ولایت د چرګانو روزنې فارم لرونکو په دې ولایت کې د چرګانو روزنې د فارمونو د وضعیت د ښه والي او په خپلو چاروکو د ښه همغږی په پار یوه ټولنه جوړه کړه.
دغه ټولنه د پکتیکا د کرنې ریاست په مرسته جوړه شوې ده. د پکتیکا د کرنې ریاست وایي، چې د چرګانو روزنې دغه ټولنه له دغو فارم لرونکو سره مرسته کوي، چې ملي مارکیټونو ته لار پیدا کړي.
ددې ټولنې په جوړېدو سره د پکتیکا ولایت د چرګانو روزنې ټول فارم لرونکي سره همغږي کیږي او له دې لارې په مارکیټ کې د رقابت ځواک پیداکوي.
د پکتیکا د کرنې ریاست چارواکي وایي، چې یاده اداره د چرګانو روزنې له فارم لرونکو سره هر راز همکارۍ ته ژمن دی.
