پکتیکا کې د ځنګلونو خوندیتوب په پار هڅې؛ د لرګیو د پرېکولو مخه ونیول شوه
د پکتیکا دکرنې، اوبولګولو او مالدارۍ ریاست ددې ولایت د ځنګلونو او طبیعي سرچینو د خوندیتوب په موخه د هلوځلو په دوام ددې ولایت د سروبي په ولسوالی کې د ناقانونه لرګیو د پرېکولو مخه ونیول شوه.
د پکتیکا دکرنې، اوبولګولو او مالدارۍ رییس مولوی محمد زمان عمري وویل، چې د سروبي ولسوالی اړوندو ځنګلونو کې په غیرقانوني ډول د لرګیو د پرېکولو مخه ونیول شوه او عاملین یې عدلي او قضایې ارګانونو ته ور وپېژندل شول.
ښاغلی عمري وویل، چې د ځنګلونو ساتنه د کرنې رياست له لومړيتوبونو څخه ده او چا ته اجازه نه ورکوي چې ددې ولايت ځنګلونه تخريب او له منځه ولاړ شي.
