پکتیکا کې د دولتي ځمکو د غصب مخنیوی په پار هڅې
۲۵ تله ۱۴۰۱ه.ش
۲۱ ربیعالاول ۱۴۴۴ ه.ق
د پکتیکا دکرنې، اوبولګولو او مالدارۍ ریاست چارواکي وایي، چې په دې ولایت کې د دولتي ځمکو د غصب مخنیوی په پار یې هلې ځلې ګړندي کړي دي.
دپکتیکا ولایت دکرنې، اوبولګولواومالدارۍ رییس مولوی محمد اسماعیل شکیب په مشرۍ خیر کوټ او جاني خېلو ولسوالۍ ته د اماراتو د ځکو د غصب مخنیوي کمېټه ته دامارتي غصب شووځمکودتثبیت، سروې اودغصب څخه دخلاصون په موخه سفر وکړ.
ددې سفر په ترڅ کې په یادو ولسوالیو کې یوشمېر غصب شوي ځمکې خلاص او عاملین یې عدلي او قضایي ارګانونو ته ور وپېژندل شول.
د ځمکو د غصب د مخنيوي کميټې تر دې دمه په پکتیکا ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
د دولتي ځمکو له غصب سره د مبارزې کمیټه د ولایت مقام، امنیه قوماندانۍ، د کرنې ریاست، د محکمو او څارنوالۍ، ښاروالۍ او د ښار جوړونې او ځمکو د ریاستونو له استازو څخه جوړه ده، چې مشري یې د کرنې ریاست کوي.
