پکتیکا کې د امارتي ځمکو د غصب مخنیوی او غصب شویو ځمکو د بېرته راګرڅولو کمېټې کړنې
۲۳ لېندۍ ۱۴۰۱ه.ش
۲۰ جمادي اﻷول ۱۴۴۴ ه.ق
دپکتیکا ولایت د امازتي ځمکودغصب مخنیوی اوغصب شویوځمکو داستردادتخنیکي ټیم غړو ددې ولایت برمل ولسوالی ته سفروکړ.
ددې سفر په ترڅ کې، د پکتیکا ولایت دکرنې، اوبولګولو او مالدارۍ رییس سربېره دکمیټې غړواومسلکي ټیم هم شتون درلود.
ددې سفر موخه دزلزله ځپلوکورنیو لپاره د ځمکې تثبیت او تصفیه کول و، چې په ترڅ کې یې د اړوندو سیمو له قومي مشرانو سره هم ناسته وشوه.
په دې ناسته کې د کمیسیون د مشرانو له خوا دغه راز د ځمکي غصب مخنیوي او د غصب شویو ځمکو د بېرته راګرځولو په پار د عالیقدر امیرالمؤمنین حفظ الله د فرمان او د اسلامي امارت د کابینې پرېکړې په پار هم ټولو مشرانو ته مالومات وړاندې کړل او له دوی څخه وغوښتل، چې د امارتي ځمکې د غصب څخه دې لاس واخلي او غصب شوي ځمکې دې بېرته امارت را وګرځوې او د امارت د قانون او اصولو پر اساس دې ځمکې په اجاره ونیسي.
باید وویل شي، چې پکتیکا کې د ځمکې د غصب مخنیوی او غصب شویو ځمکو د بېرته را ګرځولو د کمېټه تر دې دمه په دې ولایت کې د ډېرو امارتي ځمکو د غصب مخنيوی کړی او د ټول ولایت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
