پکتیا کې ۲۵ بې وزلو کورنیو سره د غواګانو خوراکي توکو مرسته وشوه

پکتیا د کرنې، اوبولګولو او مالدارۍ ریاست اړوند همکارې موسسې پاملرنی لخوا ۲۵ هغه غریبو کورنیو ته چې د کورنۍ ډیر ټیټ اقتصاد یې درلود او غذایي خوندیتوب یې نه لرلو ورته د غواګانو خوراکي توکي ووېشل شوه.
د یادې همکارې موسسې له لورې هرې کورنۍ ته ۸۴۰  کیلوګرامه واښه، ۵۰۰  کیلو ګرامه شنه واښه او ۱۵۰ کیلو ګرامه کنجاړه ورکړل شوې ده.
د پکتیا ولایت کرنې، اوبو لګولو او مالدارۍ ریاست اړوند د مالدارۍ مدیر عبدالبصیر کوچي وايي، چې تر دې وړاندې یادو کورنیو ته یوه د شیدو غوا او خوسۍ ۶۰۰ کیلوګرامه واښه، ۳۰۰ کیلو ګرامه شنه واښه، ۱۰۰ کیلو ګرامه کنجاړه یو جوړه موزې او یو دانه د وښو لوښی هم ورکړل شوي ؤ.
ددې مرستې موخه په ولایت کې د مالدارۍ سکټور ته وده ورکول او د بېوزله مالدارانو لاسنیوی دی.