پکتیا کې یوشمېر بزګران وروزل شول
![پکتیا کې یوشمېر بزګران وروزل شول](https://www.mail.gov.af/sites/default/files/2020-06/105951956_3377508718940371_39959296565109946_n.jpg)
۵ چنګاښ ۱۳۹۹
د پکتیا ولایت د کرنې، اوبولګولو او مالدارۍ ریاست له خوا ددې ولایت د شواک او ګردې څېړۍ ولسوالیو یو شمېر بزګرانو ته د غنمو د حاصل ټولولو ښې او غوره لارې چارې ور وښودل شوې او دغه راز دوی ته د غنمو پر اهمیت او د کتار او محلي کرنې تر منځ پر توپیرونو خبرې وشوې او د حاصل د تفاوت د سمپلګیري په ډول بزګرانو ته ور وښودل شول.
باید وویل شي، چې په دې ولایت کې د غنمو اصلاح شوي تخمونو وېش، بزګرانو ته روزنه او د کتار په ډول د غنمو کرکېله ددې لامل شوې وه، چې تېر کال ددې ولایت دغنمو حاصلات ۳۰ سلنه لوړ شي.