پکتیا کې د ځنګلونو خوندیتوب په پار هڅې؛ قومي مشرانو سره ناسته وشوه
د پکتیا دکرنې، اوبولګولو او مالدارۍ رییس مولوی عبدالرؤف سعید ددې ولایت د ځنګلونو او طبیعي سرچینو د خوندیتوب په موخه د هلوځلو په دوام د ځاځي اریوب ولسوالۍ قومي مشرانو او ځوانانو سره دځنګلونو د قطع مخنیوي په موخه ناسته وکړه، چې په ترڅ کې یې یادو مشرانو د خپلې سیمې ستونزې د کرنې، اوبولګولو او مالدارۍ رییس سره شریکې کړې.
ددې ناستې په ترڅ کې د پکتیا دکرنې رییس په خپلو خبرو کې وويل، چې د ځنګلونو ساتنه د کرنې رياست له لومړيتوبونو څخه ده او چا ته اجازه نه ورکوي چې ددې ولايت ځنګلونه تخريب او له منځه ولاړ شي، نوموړي مشرانو ته په ټينګار سره وويل، چې هر څوک د لمدو لرګيو په پېر، پلور او قاچاق ونيول شول د قانون منګولو ته به وسپارل شي.
