پکتیا کې د زعفرانو راټولولو لړۍ پیل شو
۲۶ لړم ۱۳۹۸
د پکتیا ولایت د کرنې، اوبولګولو او مالدارۍ ریاست وایي، چې ددې ولایت د زعفرانو راټولولو او پروسس لړۍ پیل شوي دي.
د پکتیا د کرنې ریاست وایي، چې ددې ولایت د زعفرانو کروندې ښه حاصل ورکړي، چې د زعفرانو ځینې ګلانو له څلور تر۹ تارونه (Stigma) تولید کړي، چې معول هغه یې درې تاره تولیدوي.
په پکتیا کې د زعفرانو د کرکېلي او تولید د پراختیا په پار؛ د پکتیا د کرنې، اوبولګولو او مالدارۍ ریاست له خوا سږ کال د پکتیاولایت د مرکز په کډون ددې ولایت د زرمت، سیدکرم، جاني خیلو، احمداباد، ځاځی اریوب او میرزکې ولسوالیو پر۲۵مخکښو نارینه او ښځینه بزګرانو د زعفرانو د ننداریزو قطعو جوړولو په پار د زعفرانو شپږ زره او ۲۳۳ کیلوګرامه پیاز، ۴۵ کیلوګرامه د عفوني ضد درمل، تقویتي سره او کرنیزې کڅوړې، چې په کې «ماسک، دستکشې، پینس، المونیمي قطی، پلاستیکي سبد او پلاستیکي سطل» شامل وو وېشل شوې وه.
ددې ترڅنګ ددې ولایت د زعفرانو ټولنې څلورو ګروپونو ته د زعفرانو وچولو عصري دستګاوې هم ورکړل شوي دي. یاد دستګاوې په یوه ساعت کې د یوه کیلو زعفرانو د وچولو وړتیا لري.
د پکتیا دکرنې ریاست چارواکي وایي، چې د پکتیا ولایت اقلیم د زعفرانو کرکېلي لپاره مناسبه اقلیم ده او هیله یې وښودله چې په دې ولایت کې د زعفرانو کرکېله نوره هم پراخه شي.
