پکتیا: د ځنګلوالۍ ټولنو غړو د خوست او پکتيا له واټرشيډونو څخه ليدنه وکړه
۸ زمری ۱۴۰۱ ه.ش
۱ محرم الحرام ۱۴۴۴ ه.ق
د پکتیا دکرنې، اوبولګولو او مالدارۍ ریاست وایي، چې په پکتيا او خوست ولايتونو کې د کرنې، اوبولګولو او مالدارۍ رياست اړوند اړيکو دفتر له لورې له جوړو شويو واټرشيډونو څخه د ځنګلوالۍ ټولنو غړو ليدنه وکړه.
دغه سفر چې د ځنګلوالی ټولنو غړو د علمي وړتيا د لوړولو لپاره د اړيکو دفتر له لورې برابر شوی وو، د دواړه ولايتونو د ځنګلوالۍ ټولنو غړو خپلې تجربې په خپلو کې سره شريکې او خپلې ستونزې يې تخنيکي کارکوونکو ته په ګوته او د دوی له لورې ورته اړينې لارښوونې هم وشوې.
د يادولو وړ ده، چې د ياد سفر په ترڅ کې په دواړه ولايتونو کې د واټرشيډونو د پراختيا په موخه جوړې شوې قوريې هم له نږدې وليدل شوي، چې د يادو قوريو تولید شوي نيالګي به په راتلونکي کې هم واټرشيډونو ته انتقال شي.
