پکتیا او لوګر کې د څارویو سرشمېرنه پیلېږي
۸ لړم ۱۴۰۳ه.ش
۲۶ رَبِیعُ الْثاني ۱۴۴۶ه.ق
د پکتیا د کرنې، اوبو لګولو او مالدارۍ ریاست په هڅو د ملګرو ملتونو د خوړو او کرنې ادارې له لورې په پکتیا او لوګر کې د څارویو ملي سرشمېرنه پېلېږي.
د پکتیا د کرنې، اوبو لګولو او مالدارۍ ریاست رییس سید امین هاشمي وایي، چې د پکتیا د مرکز په ګډون په ټولو ولسوالیو کې د څارویو معلومولو، وضعیت ارزولو او داړتیا په وخت کې د بېړنیو مرستو رسولو په موخه سروې ترسره کوي.
ښاغلی هاشمي وویل، چې په همدې موخه د پکتیا او لوګر ولایتونو څخه ۶۷ تنه وترنر داکترانو ته د سرشمېرنې ترسره کولو په پار درې ورځنۍ روزنه پیل شوه او په راتلوونکي څو ورځو کې به عملآ سرشمېرنه پیل شي.
د ملګرو ملتونو د خوړو او کرنې ادارې مسؤل انجینر بسم الله بسمل ویل دا لومړی ځل دې چې د څارویو سر شمېرنه ترسره کېږي، چې د مالدارۍ سکتور په پیاوړتیا کې مهم ل لري.
د چارواکو په خبره د څارویو سرشمېرنه په ټول هېواد کې ترسره کېږي. دوی دغه راز زیاته کړه، وړاندې تر دې د مالدارۍ کره شمېره موجود نه وه خو ددې سروې په تکمیلیدو سره به دمالدارۍ بشپړ ارقام موجود وي، چې دمحصلینو ترڅنګ په نورو احصایوي برخو کې به وکارول شي.
