په خوست ولایت کې د یوریا سپرې پروګرام تطبیق شو 

د خوست ولایت کرنې، اوبو لګولو او مالدارۍ ریاست د کرنیزو چارو آمریت اړوند د بوټو ساتنې او کرنتین عمومي مدیریت کارمندانو لخوا د دې ریاست مرکزي بڼ په اړوندو ساحو کې د یوریا سپرې پروګرام پلی شو.  
یاد پروګرام د الوچو هایډینسیتي بڼ، د املوکو او شفتالو بڼونو په ساحو کې تطبیق شوی، چې موخه یې د نباتي افتونو مخنیوی دی. د یوریا سپرې هغه وخت استعمالیږي کله چې د ونو تقریباً ۸۰ سلنه پاڼې ورژېږي.  
خلک کولی شي دا محلول په ډېرې آسانۍ د نیم کیلو سپینې یوریا له داسې حل کولو چې شیندلو ته چمتو شي، په لس لیتره اوبو کې په خپلو کورنیو بڼونو کې خپله تیار او استعمال کړي. دا محلول د نباتي افتونو د کنټرول لپاره اغېزمن ثابت شوی او د نبات د لویدلو پاڼو د زر تجزیې سره مرسته کوي.  
د خوست کرنې ریاست وایي، دا پروګرام د بڼوالۍ پرمختګ او د افتونو د اغېزو کمولو لپاره اغېزناک ګام دی، چې د سیمه‌ییزو بڼوالو لپاره به ډېر ګټور وي.