پنځو راتلونکو کلونو کې چین ته ۶۲ زره ټنه جلغوزې صادریږي

content_admin
دوشنبه ۱۳۹۸/۹/۴ - ۱۵:۷
پنځو راتلونکو کلونو کې چین ته ۶۲ زره ټنه جلغوزې صادریږي


۴ لیندۍ ۱۳۹۸
د جمهوري ریاست د چارو د ادارې د عمومي ریاست د تخنیکي معاونیت په همغږي د افغانستان د کورنیو شرکتونو او چینایي شرکتونو ترمنځ چین ته د افغانستان د ۶۲ زره ټنه جلوزیو د صادرات تړون، تېره پنج شنبې په بیجینګ کې د افغانستان په سفارت کې لاسلیک شوې ده.
د کرنې، اوبولګولو او مالدارۍ وزارت د اوبولګولو او طبیعي سرچینو مرستیال حشمت الله غفوري، چې د دوشنې په ورځ په یو ګډ کنفرانس کې د حکومت د اطلاعاتو او رسنیو په مرکز کې ددې تړون په هکله جزییات ورکول وویل: د ۶۲ زره ټنه جلغوزې ټولیز ارزښت چې ټاکل شوې د پنځو کلونو په ترڅ کې چین ته صادر شي ۲.۲ میلیونه امریکایي ډالر اټکل شوې ده.
هغه دغه راز زیاته کړه، چې د کورنیو او چینایي شرکتونو ترمنځ له افغانستان څخه د پستې، بادامو او چهارمغزو د صادراتو تړون هم لاسلیک شوی دی، چې ټولیز ارزښت یې نږدې نهه میلیونه ډالر ده.
غفوري ټینګار وکړ چې دکرنې وزارت چینایي شرکتونو لپاره د جلغوزیو د محصولاتو د راټولولو د خوندیتوب اړین توکي برابروي.
د تړون پر بنسټ؛ له هر ولایت څخه د حیرتان تر بندره د جلغوزې د لېږد مسوولیت د افغانستان پر غاړه ده او له حیرتان هاخوا تر ټاکل شوې موخې ټول مسوولیت د چینایي شرکتونو مسولیت دی. ټاکل شوي، چې له افغانستان څخه چین ته د ۶۲ زره ټنه جلغوزیو د لېږد لړۍ په پنځو کلونوکې له حیرتان بندر څخه د اورګاډي له لارې تر سره شي.
د هېواد درېل پټلۍ د ادارې مرستیال عبدالباري صدیقي ډاډ ورکړ چې د مزار-حیرتان د رېل پټلۍ په اسټیشنونو کې د جلغوزیو د جوپو د لېږد په پار کافي امکانات شته.
صدیقي وویل، چې د روان کال له پیل څخه تر دې دمه د حیرتان له بندر څخه چین او منځنۍ اسیاته ۲.۷ میلیون ټنه توکي لېږدول شوي دي.

د نوي قراردادونو په لاسلیک سره ټاکل شوې، چې د جلغوزې، پستې او بادامو د صادراتو په برخه کې او د صادراتو په پیل سره به له چین سره د افغانستان د صادراتو په بیلانس کې اړین بدلون رامنځته شي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت