پنجشېر کې ۴۶ زره نیالګي اېښودل کېږي

۱۳ کب ۱۳۹۹
د پنجشېر ولایت د کرنې، اوبولګولو او مالدارۍ ریاست وایي، چې په دې ولایت کې د نیالګیو اېښودو کمپین رسماً پیل شوی دی، چې په ترڅ کې به یې په دې ولایت کې ۴۶ زره مثمر او غیر مثمر نیالګي کېښودل شي.
یاد کمپین د پنجشېر ولایت د سیمه ییزو چارواکو په شتون کې د پنجشېر ولایت مرکز «فروبل» له کلي څخه پیل شو. د یاد کمپین چارواکو د پنجشېر ولایت له اوسیدونکو وغوښتل چې د اقلیمي وضعیت د ښه والي او د سمسورتیا په پار دې له یاد کمپین سره مرستې او د نیالګیو د څارنې او ساتنې په برخه کې دې جدي پاملرنه وکړي.