پر کوچیانو څه باندې ۳۳ زره ماسکونه او صابونونه ووېشل شول
۲ غویی ۱۳۹۹
د کرنې، اوبولګولو او مالدارۍ وزارت د کرنې او مالدارۍ د پراختیا پروژه، د هالنډ کمېټې په مرسته په هېواد کې د کرونا ویروس له خپرېدو څخه د مخنیوي په پار پر کوچیانو څه باندې ۳۳ زره ماسکونه او صابونونه وېشلي دي.
دغه روغتیايي توکې، چې په کې اووه زره او ۵۰۰ ماسکونه او ۲۵ زره او ۶۳۲ صابونونه شامل دي د کابل، لوګر، لغمان، ننګرهار، بغلان او هرات په لایتونو کې د کرنې او مالدارۍ د پراختیا پروژې تر چتر لاندې سیمو کې پر کوچیانو وېشل شوي دي.
