پروان کې د ځمکې د غصب مخنیوی او غصب شویو ځمکو د بېرته را ګرځولو کمېټې کړنې
۲۳ زمری ۱۴۰۲ه.ش
۲۷ مُحَرَّمُ الحَرام ۱۴۴۵ه.ق
پروان کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي خپلې هلې ځلې ګړندي کړي دي.
د دغو هلو ځلو په دوام یاد تخنیکي پلاوی د خپلو دندو په اساس د تخنیکي پلاوي د رییس مولوی محمد رحیم نعماني په مشرۍ او د تخنیکي پلاوي غړو په ګډون د مستوفیت په ریاست کې غونډه دائره کړه. په دې غونډه کې د استرداد شوی ځمکې د اجاره ورکولو لپاره د بیې ټاکلو لپاره خپل نظریات وړاندې کړل. په غونډه کې د ځمکې بیې، کیفیت او موقعیت او د اجارې لارښود باندې خبرې وشوې.
په یاده غونډه کې د راتلونکو سفرونو په پار هم سلا مشورې وشوې.
