پاکستان ته په غير قانوني ډول د پسونو د قاچاق مخه ونیول شوه
۲۳ تله ۱۴۰۱ه.ش
۱۹ ربیعالاول ۱۴۴۴ ه.ق
د پکتيا ولايت د کرنې، اوبولګولو او مالدارۍ رياست وایي، چې ددې ولايت د امنيتي ځواکونو په همکارۍ د ګومل ولسوالی اړوند زنګي بازار ته څېرمه د ۵۰۰ پسونو د قاچاق مخه ونېول شوه، چې په غير قانوني ډول پاکستان ته لېږدېدل.
د دوی په خبره په دې تړاو درې تنه نیول شوي دي او د لازیاتو څېړنیو لپاره اړوندو ارګانونو ته سپارل شوي دي.
باید وویل شي،هېڅوک حق نلري چې په غير قانوني ډول مالونه نورو هېوادونو ته ولېږدي.
