هلمند کې د کب او هېلیو روزنې فارمونه مخ پر ودې ده

content_admin
سه‌شنبه ۱۳۹۹/۴/۱۰ - ۱۱:۳
هلمند کې د کب او هېلیو روزنې فارمونه مخ پر ودې ده
۱۰ چنګاښ ۱۳۹۹
د هلمند دکرنې، اوبولګولو او مالدارۍ ریاست وایي، چې په دې ولایت کې د کب او هېلیو روزنې فارمونه ورځ تر بلې ډېریږي او په دې برخه کې د خلکو لېوالتیا ډېریږي. د هلمند دکرنې رییس زلمی الکو وایي، چې د هلمند دکرنې ریاست له خوا تېر کال ددې ولایت په څېړنیز فارم کې د کب روزنې دوه ستر فارمونه ورغول شول، چې دمګړۍ په کې نږدې اووه زره کبان روزل کیږي. یاد فارمونه په دې ولایت کې د کب روزنې په برخه کې د بزګرو او خلکو د عملي او نظري زده کړې په موخه رغول شوي دي، چې ګڼو بزګرو ته په کې د عملي زده کړې زمینه برابره شوې ده.
ښاغلي الکو وایي، چې په هلمند ولایت کې د کبانو د صنعت د پراختیا په پار یې ډېرې هلې ځلې کړي او یوشمېر کسانو ته یې په دې برخه کې د روزنې زمینه هم برابره کړې ده. د هلمند دکرنې رییس دغه راز وویل، چې په دې ولایت کې د کب روزنې د فارمونو د تنظیم او انسجام په پار یې د کب روزنې یوه ټولنه هم جوړه کړې ده.
د هلمند دکرنې رییس دغه راز وویل، چې د هلمند په څېړنیز فارم کې د کب روزنې د فارم سره جوخت د کورنیو هېلیو یو نوی فارم، چې د کب روزنې لپاره یې شتون اغېزناک دی هم جوړ کړی دی.
د هلمند دکرنې رییس زیاته کړه، دکرنې ریاست په پام کې لري، چې ددې ولایت د کب روزنې برخه پیاوړي کړي، ترڅو یاد ولایت د کبانو په برخه کې صادراتي حالت ځان ته غوره کړي.
ددغو فارمونو د جوړولو موخه داده، چې هلمندیان د کب روزنې فارمونو جوړولو ته وهڅیږي او له یادو فارمونو څخه د زده کړې ترڅنګ د کبانو اصلاح شوي نسلونه هم تر لاسه کړي.
د چارواکو په خبره که دغلته د کبانو د فارمونو جوړولو لړۍ همداسې چټکه روانه وي نو په نږدې راتلونکې به هلمند د کبانو په يو لوى توليدوونکی ولايت بدل شي.
په افغانستان کې د کب روزنې ډېر شمېر فارمونه په کندهار، هلمند، ارزګان، ننګرهار، لغمان، بلخ او نیمروز ولایتونوکې شتون لري.

تازه ترین اخبار

پنجشنبه ۱۴۰۳/۱/۹ - ۱۳:۳۴
Background image

هلمند کې د پستې نیالګیو تولید په پارهڅې، د پستې زرګونه نیالګي تولیدېږي

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې   پنځه. . .

پنجشنبه ۱۴۰۳/۱/۹ - ۱۳:۲
Background image

ننګرهار کې  ۷۲ زره څارویو ته د چنجیو ضد درمل  او واکسینونو د تطبیق چارې پیل شوې 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت په ۱۳ ولسوالیو کې څارویو ته د. . .

پنجشنبه ۱۴۰۳/۱/۹ - ۱۳:۱
Background image

ننګرهار کې پر زرګونو مالدارانو د څارویو خوراکي توکي وېشل کېږي 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو. . .

بازگشت