هلمند کې د ځنګلونو او څړځایونو خوندیتوب او پراختیا په پار هلې ځلې
۲۰ لیندۍ ۱۴۰۲ه.ش
۲۸جُمَادَى الأول ۱۴۴۵ ه.ق
د هلمند ولایت دکرنې، اوبولګولو او مالدارۍ ریاست لخوا په خانشین ولسوالی کې د ځنګلونو او څړځایونو د وضعیت ارزونې په موخه د ولایت د مقام په حکم یو ګډ پلاوی ته دنده سپارل شوې وه ترڅو نوموړې ولسوالی ته سفر وکړي او هلته د یادو سیمو څخه له نږدې لیدنې او ارزونې ترسره کړي.
په همدې موخه ګډ پلاوی چې په ترکیب کې یې د کرنې ریاست، چاپېریال ساتنې ریاست، د اړونده ولسوالی استازی او د ولسوالی د کرنې استازي شامل وو په نوموړې ولسوالی کې له ګڼو څړځایونو او ځنګلي ځمکو لیدنه او ارزونه وکړه.
د یادو ارزونو په ترڅ کې څرګنده شوه، چې د سیمې د اوسیدونکو لخوا په پراخه کچه ځنګلونه او څړځایونه غصب او په کرنیزو ځمکو اړول شوي دي.
یاد پلاوی په سیمه کې له مسؤلینو او سیمییزو خلکو سره لیدنې وکړې، د ځنګلو او ځړځایونو ارزښت او د هغو د غصب او په کرنیزو ځمکو اړولو په برخه کې یې قوانین او لوایح ورته تشریح کړل، همدارنګه یې د نوو تصرفاتو د مخنیوي او د غصب شویو ځمکو د بېرته راګرځولو په برخه کې یې لازمې سپارښتنې وکړې.
