هلمند کې د ځمکې غصب مخنیوي تخنیکي پلاوي ۶۲مه نوبتي غونډه دائره شوه
۱۵ وږي ۱۴۰۲ه.ش
۲۰ صَفَرُ المُظَفَّر ۱۴۴۵ه.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ۶۲مه نوبتي غونډه ترسره کړه.
د هلمند ولایت د ځمکو د غصب مخنيوي او غصب سوو ځمکو د تثبیت تخنیکي پلاوي خپله ٦۲مه نوبتي ناسته د کرنې په ریاست کې ترسره کړه.
په یاده غونډه کې د یاد پلاوي رییس الحاج مولوي نظر محمد صدیقي تر څنګ د تخنیکي پلاوی نورو غړو هم حضور درلود، چې په یو لړ مهمو موضوعاتو یې بحث او خبرې وکړې.
په یاده ناسته کې د تخنیکي پلاوی له خوا د ځمکو د غصب مخنیوی او غصب شویو ځمکو استرداد کمېسیون لخوا د را لېږل شویو اتو راپورونو د نیمګړتیاوې د اصلاح موارد مطالعه کړل او پرېکړه وشوه، چې د یادو راپورونو د اصلاح په موخه دې اړوندو چارواکو په خپله برخه کې لازم اجرائت ترسره کړي.
وروسته په مرکز لښکرګاه کې د تورټانګ اړونده سیمه کې د یوې اندازې ځمکې موضوع باندې بحث او خبرې وشوې او د لا ښې څېړنې او ارزونې په موخه د عدلیې ریاست ته محول شول.
ددې ترڅنګ تخنیکي پلاوي د نهرسراج ولسوالی کې د ٤ قومونو ترمنځ تر دعوې لاندې ځمکې په اړه د اړونده لوریو سره لیدنې وکړې او هغوی ته یې د هر اړخیزو څېړنو او مشکلاتو د حل ډاډ ورکړ.
وروستیو کي تخنیکي پلاوي د لسګونو مراجعینو املاکي ستونزې په مخامخ ډول واورېدې او د ستونزو د حل په برخه کې یې لازم اجرائت ترسره شول.
