هلمند کې د ځمکو د غصب مخنیوي تخنیکي کمېټې غونډه دائره شوه
۱۱ زمری ۱۴۰۲ه.ش
۱۵ مُحَرَّمُ الحَرام ۱۴۴۵ه.ق
د هلمند ولایت د ځمکو د غصب مخنيوي او غصب شویو ځمکو د تثبیت تخنیکي پلاوی نوبتي غونډه ترسره شوه، چي پکې د یادې کمېټې رییس الحاج مولوي نظر محمد صدیقي تر څنګ د یاد پلاوی غړي د عدلیې رییس مولوي محمد محمدي، د هلمند مستوفي ملاحمیدالله رابط، لښکرګاه ښاروال مولوي عبدالله روحاني ، دکور او ښارجوړولو چارو رییس مولوي نیک محمد معتصم، د امنیې قوماندانۍ استازی ملا عبدالرحمن طلحه، د قضای امارت امر مولوي عبدالقاهر عاصم، د ځمکو آمریت استازی انجنیر حامد او نورو غړو هم حضور درلود.
ددې غونډې په ترڅ کې د د تېرو غونډو د موضوعاتو تر ارزونې وروسته د لښکرګاه ښار کې د سمیټي سیې، سنګین ولسوالی کې د عیدګاه جامع جومات د ځمکې، فصل باباجي کې د امارتي ځمکې ، د ادې باغ ساحې او ګڼو ولسوالیو کې د امارتي او شخصي ځمکې د تفکیک، تشخیص او تثبیت موضوعات وارزول شول او په اړه یې لازمې کړنې ترسره شوې.
وروسته د ځمکو د غصب مخنیوی او غصب شویو ځمکو د استرداد کمیسون لخوا د تخنیکي پلاوی لپاره د عمل د پلان او د غصب شویو ځمکو د لیستونو او راپورونو د ترتیب لپاره په نویو فورمو بحث او خبرې وشوې او داجرا په اړه یې نظرونه شریک شول.
وروستیو کي تخنیکي پلاوی د لسګونو مراجعینو املاکي ستونزې په مخامخ ډول واورېدې هغوی ته یې د اصولو له مخي د قانوني کړنو ډاډ ورکړ.
