هلمند کې د اصلاح شویو تخمونو د تولید په پار هڅې
۲۰ مرغومې ۱۴۰۲ه.ش
۲۸ جُمَادَى الثاني ۱۴۴۵ ه.ق
دهلمند ولایت د کرنې، اوبولګولو او مالدارۍ ریاست لخوا، د سوېل لویدیځ زون د اصلاح شویو تخمونو د تصدیق ورکولو امریت د مسلکي کارکوونکو په مټ، د پسرلنیو نباتاتو بنیادي او تصدیقي تخمونو نمونې د تجزیې په موخه لابراتوار ته وړاندې شول.
په یادو تخمونو کې د جوارو، پنبې او بینډیو نږدې ٢.٩٢ متریک ټنه تخمونه شامل دي، چې د لابراتواري تجزیې څخه وروسته، د مثبتو پایلو د لرلو په صورت کې به ورته د کرلو او رواجولو په موخه تصدیق ورکړل شي.
دهلمند ولایت د کرنې ریاست هلې ځلې کوي، ترڅو د تخمونو د اصلاح، رواجولو او ډېرولو برخه کې خپلې هڅې لا زیاتې کړي ترڅو بزګر د باکیفیته تخمونو له لارې لوړ حاصلات ترلاسه کړي.
