نیمروز کې د ۲۰ ممیزخونو او د پیازو د ۱۵ زېرمتونونو د جوړولو چارې پیل شوې
۷ زمری ۱۳۹۹
د نیمروز په ولایت کې د کرنیزو محصولاتو مدیریت د پروژې اړوند د ممیزخونو او زېرمتونونو د جوړولو چارې عملاً پیل شوې.
بزګرانو لپاره ددغو بنسټونو د جوړېدو چارې ددې ولایت د چخانسور ولسوالۍ د کلوخي له کلي پیل شوې.
ټاکل شوې، چې د کرنیزو محصولاتو مدیریت د پروژې له لارې ددې ولایت د مرکز زرنج په جوی نو سیمه او دغه راز د چخانسور، خاشرود او چهاربولک ولسوالیو کې ۲۰ ممیزخونې او د پیازو ۱۵ زېرمتونونه جوړ شي. ددغو پروژو چارې به په نږدې راتلونکې کې بشپړ شي.
ددغو پروژو د پلي کېدو په پیل سره، ۲۴۵ کسانو ته په نېغه د کار زمینه برابره شوې ده. دغه راز د یادو ممیزخونو او زېرمتونونو جوړول د بڼوال او بزګرانو د خوښي لامل شوي، ځکه هغوی د خپلو محصولاتو د ارزښت د لوړېدا او دغه راز د دوی د محصولاتو لپاره د بازار موندنې د زمینې برابرول په پار خوښ دي.
