نورستان کې سږکال پر ۷ زره بزګرانو د غنمو اصلاح شوي تخمونه وېشل کېږي
۱۵ وږي ۱۴۰۲ه.ش
۲۰ صَفَرُ المُظَفَّر ۱۴۴۵ه.ق
د نورستان دکرنې، اوبولګولو او مالدارۍ ریاست د ملګرو ملتونو دخوړو او کرنې ادارې «اف.اې.او» په همکارۍ ددې ولایت مرکز پارون کې ۱۰۰ بزګرانو ته د کروندې د ورځې په مناسبت د غنمو دکرکیلې او حاصل ټولولو په پار خبرې وکړې.
په دې پروګرام کې د غنمو اصلاح شوی تخمونو اهمیت، کرنه، اوبولګول، د سرې استعمال، خېشاوه، حاصل ټولول او داسې نورو کرنیزو عملیاتو په هکله بزګرانو ته معلومات وړاندې شو.
په همدې حال کې د نورستان دکرنې ریاست چارواکي بزګرانو ته په خبرو کې وویل، چې د نورستان دکرنې ریاست د ملګرو ملتونو د خوړو او کرنې ادارې په همکارۍ سږکال ددې ولایت پر ۷ زره بزګرانو د غنمو اصلاح شوي تخمونه وېشي او د غنمو د کتاري کرکیلي دودولو او نورو عملیاتو په موخه د غنمو ننداریزې کروندې هم جوړوي.
ددغو اصلاح شویو تخمونو او روزنیزو پروګرامونو موخه په دې ولایت کې د غنمو حاصلاتو زیاتوالی، د بزګرانو ملاتړ او په ټوله کې د غلو دانو ړه اړخه هېواد پر ځان بسیا کول دي.
