نورستان کې زیانمنو مالدارانو سره د نغدو پیسو مرسته وشوه
١۷ غویی ۱۴۰۳ه.ش
٢۷ شَوّال المُکَرَّم ۱۴۴۵ه.ق
د نورستان دکرنې، اوبولګولو او مالدارۍ ریاست چارواکي وايي، چې ددې ولایت له هغو مالدارانو سره د نغدو پیسو مرسته شوې، چې په دې ورستیو کې د طبیعي پېښو له وجې خپل څاروي له لاسه ورکړي او زیانمن شوي دي.
دغه مرستې د نورستان دکرنې ریاست په همغږۍ د څارویو د مړینې مخنیوي کمېسیون له خوا پر زیانمنو مالدارانو وېشل شوي دي.
ددې مرستې موخه د زیانمنو مالدارانو ملاتړ او په ټوله کې ددې ولایت د مالدارۍ سکټور ودې ته زمینه برابرول دي.
