ننګرهار کې ۵۴ وترنر داکتران وروزل شول
١٩ تله ۱۴۰۳ه.ش
٧ رَبِیعُ الْثاني ۱۴۴۶ه.ق
د ننګرهار د کرنې، اوبو لګولو او مالدارۍ ریاست سره په همغږۍ د لر سپین غر مالدارۍ او کرنیز شرکت له لورې ۵۴ تنو وترنر داکترانو ته درې ورځنۍ روزنه ورکړل شوه.
د ننګرهار د کرنې، اوبو لګولو او مالدارۍ رییس مولوي محمد ولي محسن د ډاکترانو د فراغت غونډه کې د یاد شرکت څخه د مننې ترڅنګ یاده ټکنالوژي د مالدارۍ سکتور دپیاوړتیا لپاره مهمه وبلله.
ښاغلي محسن وویل دا لومړۍ ځل ده، چې د څارویو د التراساونډ سیستم په افغانستان کې پلې کېږي؛ هغه وویل هڅه به وکړي، چې د روزل شوو داکترانو په مرسته یاده تکنالوژي ترویج او د مالدارۍ په سکتور کې یو مثبت انقلاب رامنځته کړي.
د جلال آباد ښاروالۍ د دعوت ارشاد امر مولوي ضیآ الرحمن یاد سیستمونه ګټور وباله د ترویج ترڅنګ یې د اسلام مبارک دین په رڼا کې د مرستو او وسایلو او اسبابو استعمال تفصیلي خبرې وکړې.
د لر سپین غر شرکت رییس دوکتور توحید علي عظیمي دننګرهار د کرنې رییس او رهبرۍ څخه دمننې ترڅنګ د مالدارۍ په سکتور کې ددې او دېته ورته ټکنالوژیو ترویج، استعمال او دمالدارۍ برخي پیاوړتیا کې مهم رول لوبوي.
عظیمي وویل ۵۴ تنو وترنر داکترانو ته یې پدې برخه کې روزنه ورکړېده او هڅه کوي یاده ټکنالوژي په ټول افغانستان کې ترویج کړي؛ ترڅو پر تولیده شېدو غواګانو د خشره کیدلو مخه ونیول شي او ښه تشخیص ترسره شي.
