ننګرهار کې ۲۸ وترنر ډاکتران وروزل شول
١۴ لیندۍ ۱۴۰۲ه.ش
۲۲جُمَادَى الأول ۱۴۴۵ ه.ق
د ننګرهار د کرنې، اوبولګولو او مالدارۍ ریاست د مالدارۍ خدمتونو امریت له لورې د وترنري څخه فارغو ۲۸ تنو زده کړیالانو ته عملي روزنه د متخصصو داکترانو لخوا ورکړل شوه.
د ننګرهار د کرنې، اوبولګولو او مالدارۍ رییس مولوي عبدالستار محمد وویل ددې ادارې د متخصصینو له لورې د څارویو روغتیا کلنیک کې ۲۸ تنو فارغو وترنر زده کړیالانو ته د دوه میاشتو په موده کې عملي او نظري روزنه ورکړه.
محمد زیاته کړه یادو زده کړیالانو ته د درملنې، وقایې، ناروغیو، واکسینونو ښه تطبیق او ګڼو نورو برخو کې روزنه ورکړل شوه.
د ننګرهار دکرنې رییس زده کړیالانو ته وویل، چې د کرنې او مالدارۍ ریاست د کرنې او مالدارۍ په برخو کې زده کړیالانو ته د عملي زده کړو لپاره دروازې خلاصې دي.
دغه راز د یادو زده کړیالان د لاهڅونې په موخه دوی ته ستاینلیکونه هم ورکړل شو.
