ننګرهار کې پر نږدې ۳۰ زره هکتاره ځمکه جوار کرل شوي
۱۲ زمری ۱۴۰۲ه.ش
۱۶ مُحَرَّمُ الحَرام ۱۴۴۵ه.ق
د ننګرهار د کرنې، اوبولګولو او مالدارۍ ریاست وایي، چې د ننګرهار په ۲۲ ولسوالیو کې پر ۲۹ زره او ۸۷۰ هکتاره ځمکه جوار کرل شوي دي.
د ننګرهار د کرنې، اوبولګولو او مالدارۍ رییس مولوي عبدالستار محمد وویل، چې سږ کال د ننګرهار په ۲۲ ولسوالیو «بهسود، کامه، هسکه مينه، کوزکنړ، دره نور، ګوشته، رودات، بټي کوټ، سپین غر، مومندره، سره رود، خوږیانو، آچين، لعلپوره، پچیراګام، چپرهار، کوټ، نازیان، شېرزاد، غني خېل، دوربابا او حصارک» کې پر ۲۹ زره او ۸۷۰ هکتاره ځمکه جوار دکتار اوپاشان په بڼه کرل شوي .
تېرکال په ننګرهار کې پر ۲۱ زره او ۶۲۰ هکتاره ځمکه جوار کرل شوې وه، چې ۷۲ زره او ۶۶۴ مټریک ټنه حاصل ترې ترلاسه شوې وه.
دغه راز د ننګرهار د کرنې ریاست د کارکوونکو له لورې بزګرانو ته د جوارو ناروغیو، اوبولګولو، کرنیزو عملیو، بازارموندنې، کتاري کرنې، سرې ورکولو حاصل ټولو کې عملي او نظري روزنه ور کړل شوې ده.
جوار د غله جاتو له ډلې یو له هغو نباتاتو څخه ده، چې له غنمو څخه وروسته په ننګرهار کې په زیاته اندازه کرل کېږي؛ چې د بزګرانو لپاره د عوایدو یوه لویه سرچینه ده.
