ننګرهار کې نږدې ۴۷ زره څارویو ته د واکسینونو پلي کولو چارې پیل شوې
۷ سلواغه ۱۴۰۲ه.ش
۱۵ رَجَب المُرَجَّب ۱۴۴۵ ه.ق
د ننګرهار د کرنې، اوبولګولو او مالدارۍ ریاست په هڅو د افغانستان لپاره د هالینډ کمیټې له لورې ددې ولایت په لسو ولسوالیو دره نور، حصارک، شېرزاد، خوږیانو، سرخ رود، رودات، کوزکونړ، کامه، بهسود او چپرهار کې وړو شخوند وهونکو څارویو ته د لیونتوب او انترکس واکسینونونو د تطبیق لړۍ پیل شوې ده.
د ننګرهار د کرنې، اوبولګولو او مالدارۍ رییس مولوي عبدالستار محمد وویل، چې د هالینډ کمیټې له لورې ۴۶ زره او ۷۵۰ ډوزه واکسینونه پر وړو شخوند وهوونکو څارویو پلي کېږي.
د ننګرهار دکرنې رییس دغه راز وویل، چې د هالینډ کمېټې له لورې په لسو ولسوالیو کې وترنرانو ته ډرینچر، واکسناتور او چپني هم وېشل شوي دي.
دغه راز یادو واکسینونه په وړو څارویو کې د ناروغیو مخنیوی او د څارویو لرونکو اقتصادي ستونزو د حل په موخه ترسره کېږي.
وړاندې تردې هم د هالینډ کمیټې له لورې دننګرهار په بېلابېلو ولسوالیو کې زرګونه څارویو ته د لېونتوب او طبق واکسینونه تطبیق کړي؛ او په راتلوونکي کې به هم یاد واکسینونه پلي شي.
