ننګرهار کې د کورنیو باغچو جوړولو په پار د سبو تخمونه ووېشل شول

mail-admin
دوشنبه ۱۴۰۰/۵/۱۱ - ۱۶:۵۱
ننګرهار کې د کورنیو باغچو جوړولو په پار د سبو تخمونه ووېشل شول

۱۱ زمری ۱۴۰۰
د ننګرهار د کرنې، اوبولګولو اومالدارۍ ریاست اړوند د کرنې او خوړو خوندیتوب بیړنۍ پروژې (EATS) په مرسته ددي ولایت په کامې او ګوشتي ولسوالیو کې ٩٠٠ تنو بیوزله مېرمنو ته د کورنیو باغچو جوړولو په پار د سبو اصلاح شوي تخمونه وېشل شوي دي.
د کرنې وزارت د کرنې او خوړو خوندیتوب بېړنۍ پروژې (EATS)چارواکي وایي، یاده پروژه د کامې او ګوشتې ولسوالیو ١٤ شوراګانو سره، چې ځمکې یې د کانالونو لاندې دې کار کوي او د یادو شوراګانو ٩٠٠ تنو هغو بېوزله میرمنو ته چې د کرنې په سکتور کې کار کوې د سبو اصلاح شوې تخمونه چې پکې د کرم، کاهو، پالک، بنډۍ، رومي بانجان، تور بانجان، تراهې او کرېلې تخمونه شامل دي وېشل شوي دي.
د سبو تخمونو د وېش موخه بېوزلۍ سره مبارزه، په کور دننه مېرمنو ته د کاري فرصتونو برابرول، کمې ځمکې څخه زیاته ګټه اخیستنه، اقتصادې پیاوړتیا، تازه او صحي سبو او ترکاري برابرول او کرونا ځپلو کورنيو سره همکاري کول دي.
باید وویل شي، چې د سبو له یادو تخمونو برخمنو مېرمنو ته د کرنې او خوړو خوندیتوب بیړنۍ پروژې د کارکوونکو له لورې د سبو د ځمکې اماده کول، کرکېله، اوبوخور، سرې ورکول، هرزه بوټو کنټرول، حاصل ټولو او نورو اړونده برخو کې عملې روزنه هم ورکړل شوي دي.

تازه ترین اخبار

پنجشنبه ۱۴۰۳/۱/۳۰ - ۱۰:۴۶
Background image

فاریاب کې د قرآن کریم د حافظانو د پګړي تړلو په مراسمو کې د کرنې وزیر ګډون

۳۰ وری ۱۴۰۳ه‍.ش
۹ شَوّال المُکَرَّم ۱۴۴۵ه‍.ق
د کرنې، اوبولګولو او مالدارۍ وزیر مولوي عطاء الله عمري د فاریاب ولایت د اندخوی په ولسوالۍ کې د خالد بن ولید (رض) مدرسې د ۱۱ تنو د قرآن کریم. . .

پنجشنبه ۱۴۰۳/۱/۳۰ - ۱۰:۴۱
Background image

کونړ کې د لمریزې برېښنا په مرسته د اوبولګولو سیستمونو فعالولو لومړنۍ سروي پېلېږي

د افغانستان د بيا رغونې او د ښځو د تعليم ادارې (ارو) مؤسسې مسولینو د کونړ د کرنې، اوبولګولو او مالدارۍ رییس سره  دلمریزي برېښنا په مرسته د اوبولګولو سیستمونو فعالولو په موخه د همغږۍ. . .

پنجشنبه ۱۴۰۳/۱/۳۰ - ۱۰:۳۷
Background image

هلمند کې د شنوخونو جوړولو ته د بزګرانو لېوالتیا ډېره شوې

هلمند د هېواد په سوېل لوېدیځ کې د تودې هوا لرونكى او يوازې د اوړي په موسم كې د سبو او نيالګيو د موسمي فصل له مخې مشهور ولايت دى، خو د دغه ولايت بزګر خوشاله دي، چې د شنوخونو د جوړېدو له. . .

بازگشت