ننګرهار کې د ځنګلونو ساتنې لپاره قومي شوراګانې جوړېږي
۵ لړم ۱۴۰۳ه.ش
۲۳ رَبِیعُ الْثاني ۱۴۴۶ه.ق
د ننګرهار د ولایت مقام په لارښوونه د کرنې، اوبو لګولو او مالدارۍ رییس مولوي محمد ولي محسن په مشرۍ د ځنګلونو ساتنې کميټه، چې د ننګرهار ولایت استازی، علماؤ شورا، امنې قوماندانۍ او استخباراتو رياست مسئولين يې غړيتوب لري جوړه شوه. دغه کميټه به يولس ولسواليو سیمه ییزو مسؤلینو او قومي مخورو سره د ځنګلونو ساتنې او قومي شوراګانو جوړولو لپاره سلا مشورې وکړي.
دغه راز به یاده کمیټه په راتلونکی کې د ځنګل لرونکو ولسوالیو قومي شوراګانو څخه راپور راټول او د کرنې، اوبو لګولو او مالدارۍ وزارت سره شریک کړي.
دا اقدام وروسته له هغې تر سره شو، چې تېره ورځ د کرنې، اوبو لګولو او مالدارۍ وزير مولوي عطاءالله عمري په مشرۍ ګډ پلاوي دې ولايت ته د سفر پر مهال د ځنګلونو ساتنې په موخه د قومي شوراګانو جوړولو کې له ولايت مقام څخه د همکارۍ غوښتنه وکړه.
