ننګرهار کې د ځمکې غصب مخنیوی او غصب شویو ځمکو بېرته راکرځولو تخنیکي پلاوی غونډه دائره شوه
۱۳ وږي ۱۴۰۲ه.ش
۱۸ صَفَرُ المُظَفَّر ۱۴۴۵ه.ق
د ننګرهار ولایت د امارتي، سلطاني، مرعي او وقفي ځمکو د غصب مخنیوي او غصب شویو ځمکو بېرته راکرځولو تخنیکي پلاوي د ننګرهار د کرنې ادارې او تخنیکي پلاوي رییس مولوي عبدالستار محمد په مشرۍ غونډه ترسره شوه، چې په کې پر مهمو موضوعاتو باندې لنډ بحث او رڼا واچول شوه.
ددې غونډې په ترڅ کې پر بېلابېلو موضوعاتو د خبرو اترو ترڅنګ پر یوشمېر دوسیو او عریضو مهمې پرېکړې وشوې.
دغه راز تخنیکي پلاوي غړو چې تېره ورځ له بېلابېلو سیمو څخه لیدنه ترسره کړې وه، وروسته غونډه کې پرې بحث وشو او پریکړه شوه، چې د کامي ګرداب ځمکه کې د وزارت د مکتوب په اساس د کرنې ریاست څخه د اجاري مکمل معلومات وغوښتل شي او سیمه له نږدې په هراړخیز ډول وڅېړل شي .
همدارنګه پرېکړه وشوه، چې دغلام ډاګ او حاجي عبدالقدیر ښارګوټي ځمکه له نږدې ولیدل شي، قباله پري تطبیق، حدود، حدفاصل د ځمکې ډول، مساحت معلوم او په هر اړخیز ډول وڅېړل شي او د وروستي کړنو لپاره مرکزي کمیسیون ته واستول شي.
په ورته وخت کې د اداراتو او ولسي وګړو پر عرایضو بحث وشو او پر ډېرو برخو کې پرېکړه وشوه، ترڅو د عامه ملکیتونو د مینځه تللو مخنیوي وشي.
