ننګرهار کې د ځمکې غصب مخنیوي او غصب شویو ځمکو د بېرته راګرځولو کمېټې یوولسمه غونډه ترسره شوه
۱۲ سلواغه ۱۴۰۱ه.ش
۱۰ رَجَب المُرَجَّب ۱۴۴۴ ه.ق
د ننګرهار دکرنې، اوبولګولو او مالدارۍ ریاست د امارتي، سلطاني، مرعي او وقفي ځمکو د غصب څخه د بېرته راګرځولو تخنيکې پلاوی د ننګرهار ولایت د کرني اوبو لګولو او مالدارۍ رییس مولوی عبدالستار محمد تر مشرۍ لاندې چې د تخنیکې پلاوی غړو د ننګرهار عدلیې رییس، د مستوفیت رییس، امنیه قومندانۍ مرستیال، حج اوقافو رییس، جلال اباد ښاروالۍ مرستیال، ښارجوړونې رییس، کدستر امر، کار او ټولنیزو چارو رییس او د قضایای امارت امر ګډون درلوده خپله یوولسمه نوبتې غونډه تر سره کړه.
د غونډې په پيل کې په تیرو موضوعاتو باندې بحث او رڼا واچول شوه او د ننګرهار دکرنې رییس او د تخنیکې پلاوی مشر مرکز ته د خپل سفر په اړه مفصل راپور وړاندې کړ او زیاته يي کړه، چې په افغانستان کې د اماراتي، سلطاني، مرعي، او وقفي ځمکو د غصب څخه د بېرته راګرځولو کمېسون مشرتابه لخوا په ننګرهار ولایت کې د غصب مخنیوي او د دغه ولایت د تخنیکې پلاوی کړنې وستایل او د ښو کړنو په ترسراوی يې د غصب شوو ځمکو د استرداد صلاحیت هم ورکړ.
د غونډې په جریان کې د تخنیکي ټیم غړو په نوبتي ډول خپل نظریات شریک کړل او د تخنیکي ټیم د چارو د منظم پرمخ وړلو لپاره ځينې اړين مسایلو اړوند بحث وشو.
باید وویل شي، چې د ننګرهار ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
